Дзяржаўная інспекцыя аховы жывёльнага і расліннага свету пры Прэзідэнце Рэспублікі Беларусі зафіксавала летась рост парушэнняў правілаў палявання і зніжэнне — правілаў рыбалоўства, паведаміў на выніковай калегіі начальнік інспекцыі Сяргей Новікаў.
«У 2015 годзе дзяржінспектары выявілі на 14 працэнтаў больш парушэнняў правілаў палявання (з 1581 у 2014 годзе іх колькасць вырасла да 1810). У парушальнікаў канфіскаваны 593 адзінкі агнястрэльнай зброі (на 6 працэнтаў больш), з якіх 145 незарэгістраваных, і 13,7 тоны (на 36 працэнтаў менш) незаконна здабытага мяса дзікіх жывёл», — сказаў выступоўца. Парушэнняў правілаў рыбалоўства выяўлена на 5 працэнтаў менш (4 722 у 2014 годзе, 4 508 у мінулым). «У парушальнікаў канфіскавана больш за 4 600 сетак агульнай даўжынёй 221 км, 3 125 іншых забароненых прылад рыбалоўства і 10,9 тоны незаконна вылаўленай рыбы. Па ўсіх гэтых пунктах назіраецца зніжэнне ў параўнанні з папярэднім годам. Акрамя таго, летась выяўлена на 25 працэнтаў менш крадзяжоў сажалкавай рыбы (162 у 2014 годзе і 121 — у 2015-м)», — адзначыў Сяргей Новікаў.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
