Кошт праезду ў наземным грамадскім транспарце Мінска павялічыўся да 5 тысяч, у метро — да 5,5 тысячы рублёў. Такім чынам, паездка ў аўтобусах, трамваях, тралейбусах стала даражэйшай на 500 рублёў, у метро — на тысячу.
Цана праязнога на месяц на адзін від транспарту (аўтобус, трамвай, тралейбус) зараз складае 225 тысяч, метрапалітэн — 247,5 тысячы. Кошт месячнага праязнога на два віды транспарту складзе ад 300,3 тысячы да 360,4 тысячы; на тры віды — ад 358,1 тысячы да 405,8 тысячы; на чатыры віды — 415,1 тысячы рублёў.
Нагадаем, што папярэдняе павышэнне коштаў на праезд у сталіцы адбылося год таму — таксама ў снежні. Тады праезд падаражэў з 4 да 4,5 тысячы рублёў за адну паездку.
Сяргей РАСОЛЬКА
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
