Навагоднія святы — гэта заўсёды час сапраўднага чараўніцтва, добрага настрою і шчаслівых усмешак. І, вядома, прыемных сустрэч!
ААТ «Белкніга» і РВУ «Выдавецкі дом «Звязда» запрашаюць дзяцей, а таксама дарослых, якія не страцілі веру ў цуды, здзейсніць неверагоднае падарожжа па чароўным свеце дзіцячых казак і вершаў.
Акунуцца ў святочную атмасферу мерапрыемства, якое праводзіцца ў межах рэспубліканскай акцыі «Сямейнае чытанне», можна будзе 15 снежня з 12.00 да 15.00 — менавіта ў гэты час у мінскім «Доме кнігі «Светач» (пр-т Пераможцаў, 11) адбудзецца кніжны марафон «КАЛЯДНАЯ КАЗКА». Наведвальнікі змогуць пазнаёміцца з цудоўнымі дзіцячымі творамі беларускіх пісьменнікаў, пра якія раскажуць самі аўтары: Анатоль Зэкаў, Галіна Пшонік, Віктар Кажура, Яна Явіч.
Госці святочнага мерапрыемства змогуць набыць кнігі для дзяцей з аўтографамі аўтараў. Акрамя таго, падчас марафону ўсіх пакупнікоў кніг РВУ «Выдавецкі дом «Звязда» чакаюць прыемныя падарункі.
Чакаем вас на кніжным марафоне! І не забудзьцеся ўзяць з сабою добры настрой!
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
