Індывідуальныя прадпрымальнікі з першых дзён студзеня будуць абавязаны гандляваць толькі па дакументах. Пра гэта ўчора падчас анлайн-канферэнцыі на сайце БЕЛТА паведаміла намеснік начальніка ўпраўлення падаткаабкладання індывідуальных прадпрымальнікаў Міністэрства па падатках і зборах Беларусі Наталля ПАДГОРНАЯ.
Яна адзначыла, што прыняцце Указа №222 было накіравана як на стварэнне роўных умоў ажыццяўлення прадпрымальніцкай дзейнасці, так і на прадухіленне ўвозу і распаўсюджвання на тэрыторыі Беларусі нелегальна вырабленай і выпушчанай незаконна ў абарачэнне прадукцыі на тэрыторыі Мытнага саюза. Больш за тое — указам быў прадугледжаны пераходны перыяд для рэалізацыі рэшткаў тавараў без дакументаў працягласцю 18 месяцаў. «А вось з 1 студзеня 2016-га прадпрымальнікі абавязаны будуць гандляваць толькі па дакументах», — сказала спецыяліст.
Паводле слоў Наталлі Падгорнай, падаўжэнне канчатковага тэрміну рэалізацыі рэшткаў тавараў будзе азначаць захаванне няроўных канкурэнтных умоў для суб'ектаў гаспадарання, якія ажыццяўляюць імпарт і рэалізацыю тавараў у адпаведнасці з вызначанымі патрабаваннямі.
Сяргей КУРКАЧ
kurkасh@zvіаzdа.bу
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?