У міністэрстве паведамляюць, што падчас пазапланавай праверкі парушэнні патрабаванняў заканадаўства аб гандлі і абароне правоў спажыўцоў выяўлены ў рэстаране «Журавінка», рэстаране хуткага абслугоўвання «Food Republіc» і кафэ «Rіver Cafe» (таварыства «Шахін») сталіцы.
Недаважка — да 40%
Усяго кантралёрамі знята з рэалізацыі пратэрмінаваная прадукцыя на суму каля 14 млн рублёў. Устаноўлены факты невыканання асартыментных пералікаў, тэмпературных рэжымаў захоўвання прадукцыі, парушэння кантролю якасці і бяспекі выпускаемай прадукцыі, захоўвання прадукцыі без дакументаў, якія пацвярджаюць факт яе набыцця, якасць і бяспеку. Былі парушэнні пры рэалізацыі алкагольных напояў без акцызных марак і з пашкоджанымі акцызнымі маркамі і г.д.
Прэс-служба ведамства паведамляе, што таксама выяўлены выпадкі падману пакупнікоў: пры выбарачным узважванні асобных гатовых страў недаважка ў іх склала да 40% ад намінальнай масы, якая вызначана ў тэхналагічных дакументах. Для ліквідацыі выяўленых парушэнняў і забеспячэння сапраўднага кантролю за якасцю і бяспекай прадукцыі, што там рэалізуецца, дзейнасць гэтых аб'ектаў прыпынена з 8 ліпеня.
177 магазінаў — у «адпачынак» на 90 дзён
Крыху пазней Міністэрства гандлю прыняло рашэнне і аб прыпыненні на 90 дзён (з 21 ліпеня) дзейнасць 177 магазінаў закрытага акцыянернага таварыства «Дабраном».
Пачынаючы з лютага бягучага года, пытанне своечасовасці разлікаў гандлёвых сетак з пастаўшчыкамі за пастаўленую прадукцыю неаднаразова абмяркоўвалася на пасяджэннях калегіі Мінгандлю. Сеткавым арганізацыям прапаноўвалася прыняць вычарпальныя меры па пагашэнні пратэрмінаванай запазычанасці», — гаворыцца ў паведамленні ведамства. Разам з тым, на момант праверкі фірмы «Дабраном» пратэрмінаваная запазычанасць арганізацыі за пастаўленыя тавары, у тым ліку мяса, малако і хлеб, склала звыш 30 млрд рублёў. Зараз у гаспадароў гандлёвай сеткі ёсць 90 дзён, каб разлічыцца па даўгах.
Сяргей Палінін
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.