Ці цёпла ў дзіцячых садках і школах, пацікавіліся пракурорскія работнікі. У рэйд разам з імі накіраваўся і карэспандэнт «Звязды».
Калі ў вас у кватэры холадна, вы адразу тэлефануеце ў камунальную кантору і просіце разабрацца. Ці не так? Павінен прыйсці прадстаўнік ад ЖКГ з градуснікам, і калі тэмпература ніжэйшая за +18 градусаў, вы маеце права патрабаваць павысіць градус. Дык чаму ў дзіцячых садках і школах, дзе холадна, так не робяць? Не шкада дзяцей? Або іншых клопатаў хапае ў загадчыкаў і дырэктараў устаноў адукацыі? Гэтыя думкі самі сабой напрошваліся падчас таго рэйду.
Што здзівіла, дык гэта дэфіцыт градуснікаў. А гэтыя прыборы, аказваецца, павінны быць ва ўсіх пакоях, дзе знаходзяцца дзеці. Напрыклад, у віцебскім Дашкольным цэнтры развіцця дзіцяці № 4 у гульнявых памяшканнях груп № 6 і № 4 не было градуснікаў. А там жа знаходзяцца дзеці ва ўзросце ад 2 да 3 гадоў.
І ў віцебскіх яслях-садку №8 гра-
дуснікаў не было ні ў спартыўнай зале, ні ў медыцынскім кабінеце. Як высветлілася, там тэмпература не адпавядала нарматыву…
У садку №9 у спальні малодшай групы № 1, дзе знаходзіліся дзеці ва ўзросце да 3 гадоў, градуснік паказваў +16 градусаў.
І ў садку №19 было, мякка кажучы, халаднавата: усяго +14. Загадчыца толькі разводзіла рукамі. Маўляў, у будынак ацяпленне падаецца цэнтралізавана з кацельні. Дык што мы можам зрабіць?
Няўтульна было і ў іншых правераных дзіцячых садках.
—Мы вынеслі прадпісанні начальнікам аддзелаў адукацыі, спорту і турызму адміністрацый Першамайскага і Чыгуначнага раёнаў Віцебска. Адказныя асобы павінны зрабіць так, каб тэмпература адпавядала норме. Мы, у сваю чаргу, пракантралюем, як зроблена «праца над памылкамі», — пракаментавала вынік маніторынгу старшы памочнік пракурора Віцебска, малодшы саветнік юстыцыі Вольга Каралёва.
Пасля рэйду пайшоў па сына ў школу. У кабінеце, дзе дзеці застаюцца пасля ўрокаў, градуснік паказваў +16. Педагог сказала, што начальства ў курсе, але…
Калі задумацца, з‑за таго, што дзеці хварэюць, бацькі бяруць бальнічны, і ім аплачваецца 100% сярэдняга заробку. Ці выгадна гэта краіне? Не! Дык можа танней адрэгуляваць сістэмы падачы цяпла і эканоміць на выплатах?
Аляксандр ПУКШАНСКІ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.