У сувязі з тым, што краіны Еўропы пераходзяць на «летні час», дзяржаўнае прадпрыемства «Мінсктранс» з 29 сакавіка будзе выконваць рэгулярныя рэйсы туды таксама па «летнім» раскладзе руху.
Напрыклад, па маршруце Мінск — Беласток адпраўленнем з Мінска ад аўтавакзала «Цэнтральны» ў 23.30 па чацвяргах, пятніцах і суботах, з Беластока — у 16.00 (замест 15.00) па пятніцах, суботах і нядзелях. Рэйсы Мінск — Варшава будуць выконвацца ад аўтавакзала «Цэнтральны» ў 18.30 (замест 19.30) штодзённа, а з Варшавы — у 16.30 таксама штодзённа. Аўтобус Мінск — Друскінінкай адпраўляецца ад аўтавакзала «Цэнтральны» ў 6.50 па суботах, з Друскінінкая — у 17.00 (замест 16.00) зноў жа па суботах. Рэйс да Кіева адпраўляецца ад аўтавакзала «Цэнтральны» ў 22.20 (замест 23.20), ад аўтавакзала «Усходні» ў 22.45 (замест 23.45) па серадах, чацвяргах і пятніцах. З Кіева можна будзе выехаць у 13.15 па чацвяргах, пятніцах і суботах.
Змяненні ў сувязі з пераходам на «летні» расклад датычацца і іншых маршрутаў, таму пасажырам перад паездкай варта яшчэ раз зазірнуць у яго.
Сяргей РАСОЛЬКА
Карэспандэнты «Звязды» пабачылі, як праходзяцб рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.