У Магілёў завіталі ўдзельнікі лыжнага пераходу ад Масквы да Брэста
У асноўным гэта падлеткі 15–17 гадоў, выхаванцы Ніжагародскай кадэцкай школы-інтэрната імя В.Маргелава, Горскага кадэцкага корпуса з Інгушэціі, ваенна-патрыятычных клубаў Расіі. Свой прабег яны прысвяцілі 70‑годдзю Вялікай Перамогі над нямецка-фашысцкай Германіяй і 85‑годдзю паветрана-дэсантных войскаў. На працягу двух дзён яны знаёміліся з горадам, наведвалі месцы былых баёў, выступілі з канцэртам для навучэнцаў Магілёўскага абласнога кадэцкага вучылішча.
—У патрыятычна-выхаваўчым плане такія сустрэчы шмат чаго даюць, — адзначыў галоўны спецыяліст упраўлення адукацыі Магілёўскага аблвыканкама Дзмітрый Лацянкоў. — Хлопцы і дзяўчаты ўшанавалі памяць загінулых салдат Вялікай Айчыннай, пабывалі на месцах воінскіх пахаванняў сваіх землякоў, прасякнуліся тым духам, які ўсіх нас аб'ядноўвае. Тым больш што дзяцінства знакамітага дэсантніка Васіля Маргелава, імя якога носіць Ніжагародская кадэцкая школа-інтэрнат, прайшло ў Касцюковіцкім раёне. На Магілёўшчыне гэты паход наогул пабываў упершыню, хоць яны ажыццяўляюцца расіянамі з 1994 года. За гэты перыяд яны толькі тройчы праходзілі праз Беларусь, і тое па іншых абласцях.
Дарэчы, за дзень юныя лыжнікі праходзяць па 25–30 кіламетраў. Пакуль праблем са снегам у іх не ўзнікала. З Магілёва яны таксама пайшлі на лыжах. Некалькі магілёўскіх кадэтаў разам з імі прайшлі невялікі ўчастак у напрамку Бабруйска. Пасля перапынку ў горадзе на Бярэзіне расіяне возьмуць напрамак на Брэст. Фініш адбудзецца 23 лютага.
Нэлі ЗІГУЛЯ.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.