Устаць на шлях адмовы ад ядзернай зброі заклікаў усе краіны — члены Арганізацыі Аб'яднаных Нацый Яўген ЛАЗАРАЎ, намеснік пастаяннага прадстаўніка Рэспублікі Беларусь пры ААН, падчас пасяджэння Генеральнай Асамблеі ААН у Нью-Ёрку.
Пасяджэнне праводзілася з нагоды святкавання Міжнароднага дня супраць ядзерных выпрабаванняў, яго агульная тэма — «Шлях да нуля».
Як паведамляе прэс-служба МЗС, падчас свайго выступлення беларускі дыпламат падкрэсліў: калі гаворка ідзе пра ўсё, што тычыцца ядзернай зброі, гэта павінен быць шлях да «ўсеабдымнага і незваротнага» нуля ў гісторыі чалавецтва. Па яго словах, не павінна быць ніякіх навуковых даследаванняў у галіне ядзернай зброі, ніякіх ядзерных выпрабаванняў і, урэшце, ніякай ядзернай зброі на нашай планеце.
Яўген Лазараў падкрэсліў, што наша краіна ўжо больш за два дзесяцігоддзі назад стала на гэты шлях. У ліпені 1993 года Беларусь далучылася да Дагавора аб нераспаўсюджанні ядзернай зброі. Дзяржава першая з усіх краін былога Савецкага Саюза добраахвотна і без усялякіх умоў адмовілася ад валодання аператыўнай ядзернай зброяй, якая было размешчана на яе тэрыторыі. У сярэдзіне 1990-х гадоў Беларусь першая прапанавала стварыць у Цэнтральнай і Усходняй Еўропе зону, свабодную ад ядзернай зброі.
У сваім выступленні прадстаўнік беларускага МЗС заявіў, што Беларусь на працягу дзесяцігоддзяў адстойвае на пляцоўцы ААН ідэю аб забароне распрацоўкі і вытворчасці новых відаў зброі масавага знішчэння.
Яўген Лазараў таксама паведаміў, што Беларусь прапануе на разгляд 69-й сесіі Генасамблеі ААН праект рэзалюцыі «Забарона распрацоўкі і вытворчасці новых відаў зброі масавага знішчэння і новых сістэм такой зброі: справаздача канферэнцыі па раззбраенні».
Надзея ЮШКЕВІЧ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
