Ніна Масюк,
настаўніца беларускай мовы Хаціслаўскай СШ:
—На мой погляд, вяселле трэба рабіць для сваякоў. Гэта сямейнае свята. Варта прытрымлівацца традыцыі падзяляць яго з роднымі і блізкімі людзьмі, каб не губляліся карані і сувязь пакаленняў. З уласнага вопыту скажу, што можна сабрацца ў вузкім коле, не зважаючы ні на якія фінансавыя выдаткі і ўсялякія іншыя прычыны. Рабіць вяселле з размахам ёсць сэнс тады, калі сям'я мае дастаткова грошай. Аднак я супраць пышнага святкавання, калі бацькі бяруць крэдыт, каб справіць вяселле, а потым аддаюць яго. Трэба рэальна глядзець на свае магчымасці. Не гэтым вымяраецца шчасце ў сямейным жыцці.
…Раней, як кажуць, жылі сціпла, але святкавалі весела. Былі песні, танцы. Параўноўваючы нават уласнае вяселле са святам дачок, заўважыла, што народныя песні цяпер пачуеш не так часта. Традыцыі крыху страчваюцца. І тут не варта некага вінаваціць. Проста цяпер іншы час. Можна яго прымаць, назіраць і чэрпаць у ім новы для сябе вопыт, але не навязваць свайго бачання. А вось збіраць дарагіх вам людзей на вяселле трэба абавязкова. Глядзіце: калі чалавек сыходзіць з жыцця, то мы гатовы ехаць за сотні кіламетраў, каб правесці яго ў апошні шлях. Чаму ж мы не заўсёды побач у моманты радасці, з нагоды нейкага свята? Зразумела, што не ўсіх можаш запрасіць, дый не варта таго рабіць. Галоўнае, каб у такі дзень побач з вамі
Алег САЎЧАНКА, інструктар па танцах:
—Асабіста я мяркую так: хто плаціць грошы — той і музыку заказвае. Калі маладая пара адразу пасля школы ці ВНУ, не маючы яшчэ за душой нічога, вырашыла пажаніцца, а ўсе фінансавыя выдаткі ўсклала на бацькоў, то за бацькамі і пераважнае права вырашаць, у якім фармаце і з якой колькасцю запрошаных пройдзе вяселле. (Хоць, будзем шчырымі, абсалютную большасць сваякоў на вяселлі «для родзічаў» маладыя ўбачаць у першы і апошні раз). Калі ж людзі самі забяспечылі сябе жыллём, працай і адклалі пэўную суму на вяселле, то чаму б ім і не зрабіць свята такім, як яны самі хочуць? Хоць тут таксама трэба без фанатызму.
Мы з маёй дзяўчынай, напрыклад, плануем наогул ніякіх урачыстасцяў не ладзіць — толькі роспіс і фотасесія на памяць. І практычна адразу паляцім у першы сямейны водпуск. Бацькоў з абодвух бакоў зводзім у рэстаран крыху пазней, калі вернемся з вясельнага падарожжа.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.