Ім для нашай краіны можа стаць Мазамбік
Аб гэтым Прэзідэнт Беларусі Аляксандр Лукашэнка заявіў на сустрэчы з прэм'ер-міністрам Мазамбіка Алберту Вакіна, паведамляе БЕЛТА.
Кіраўнік беларускай дзяржавы выказаў надзею, што ў выніку візіту прэм'ер-міністра бакі дасягнуць значнага прагрэсу ў двухбаковых стасунках. Паводле слоў Прэзідэнта, паспяховаму развіццю гэтага працэсу ў тым ліку можа садзейнічаць гісторыя адносін, якая бярэ пачатак з савецкіх часоў.
Аляксандр Лукашэнка падкрэсліў, што Мазамбік з'яўляецца вельмі перспектыўнай і багатай дзяржавай, перш за ўсё сваімі нетрамі і карыснымі выкапнямі. Прэзідэнт канстатаваў, што эканомікі дзвюх краін узаемадапаўняльныя і не канкурыруюць адна з адной. Разам з тым ён заўважыў, што двухбаковы таваразварот, які знаходзіцца на ўзроўні прыкладна $10 млн, не адпавядае патэнцыялу дзвюх дзяржаў. «У нас да гэтага часу не створана нарматыўна-прававая база нашых адносін, і ваш візіт паслужыць інтэнсіфікацыі адносін і ў гэтай частцы», — сказаў кіраўнік дзяржавы.
«Мы гатовы з вамі супрацоўнічаць па ўсіх напрамках, закрытых тэм для супрацоўніцтва ў нас няма», — дадаў беларускі лідар.
У сваю чаргу Алберту Вакіна адзначыў, што існуе шмат напрамкаў, па якіх Беларусь і Мазамбік маглі б супрацоўнічаць, і гэта ў тым ліку сфера сельскай гаспадаркі і вытворчасці сельскагаспадарчай тэхнікі.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.