Міністэрства замежных спраў Латвіі апублікавала імёны трох вядомых расійскіх спевакоў, якім забаронены ўезд у краіну. Гэта Іосіф Кабзон, Алег Газманаў, а таксама Ала Пярфілава, вядомая пад сцэнічным псеўданімам Валерыя. Як заявіў раней у панядзелак у інтэрв'ю Lаtvіjаs Rаdіо міністр замежных спраў Латвіі Эдгар Рынкевіч, у чорны спіс уключаны асобы, якія ў апошні час «агрэсіўна падтрымлівалі» анэксію Крыма і «неаднаразова публічна прыніжальна адзываліся аб дзеяннях Украіны», паведамляе Dеlfі.
Міністр заявіў, што калі асобы, унесеныя ў спіс, ужо знаходзяцца на тэрыторыі Латвіі, іх папросяць пакінуць краіну. Рынкевіч таксама заявіў, што ў сувязі з падзеямі ва Украіне правядзенне фестывалю ў гэтым годзе ў Юрмале, з яго пункту гледжання, было б недарэчным. Падобную пазіцыю займае і міністр культуры Латвіі Даце Мелбардэ. Характэрны каментар з нагоды санкцый пакінуў на сваёй старонцы ў Fасеbооk мэр Рыгі Ніл Ушакоў: «Патрабую, каб міністр замежных спраў Рынкевіч уключыў у «чорны спіс» расійскага імперыяліста Куклачова з яго шавіністычнымі катамі. І тады краіна зможа сапраўды спаць спакойна... У цэлым жа жах нейкі. Зразумела, што ў міністра выбары. Але гэта яшчэ не падстава рабіць з сябе латвійскую версію Кім Чэн Ына лайт».
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?