Лік узнагародам беларускай зборнай адкрыты
Вось і дачакаліся! Біятланістка Дар'я Домрачава ўпершыню ў сваёй кар'еры заваявала алімпійскі залаты медаль. Доўгія гады ўпартых трэніровак, пераможных поклічаў, непрыемных заўваг крытыканаў, гонак, якія ад стомы завяршала лежачы на снезе... Яна мужна прайшла праз усё гэта, каб учора, пад штучным сочынскім асвятленнем, назаўжды ўпісаць сваё прозвішча ў алімпійскую гісторыю. Як аказалася, спрынт, які Даша завяршыла на 9-м радку, быў толькі запеўкай. Сапраўдную феерыю Домрачава прытрымала на гонку пераследавання. Яна літаральна не пакінула шанцаў апанентам, зрабіла адзін промах і далёка адарвалася ад сваёй непрымірымай саперніцы з Нарвегіі Туры Бергер. Яе нельга было спыніць. У гэты дзень ёй наканавана было стаць першай.
З бліскучай перамогай, Дар'я!
Сумесныя праекты ядзерных тэхналогій.