Золатавалютныя рэзервы Беларусі па выніках 2026 года павінны скласці не менш як $9,2 млрд. Аб гэтым заявіў старшыня праўлення Нацыянальнага банка Раман Галоўчанка ў гутарцы з журналістамі па выніках пасяджэння праўлення Нацбанка, на якім былі зацверджаны асноўныя кірункі грашова-крэдытнай палітыкі Беларусі на 2026 год, перадае БелТА.
«Паказчык золатавалютных рэзерваў на 2026 год — не менш як $9,2 млрд, таму што цэны валацільныя, у прыватнасці на металы, а таксама трэба будзе пагашэнне дзярждоўгу. Не менш за $9,2 млрд — гэта бяспечны паказчык. Калі будзе больш, то добра», — сказаў Раман Галоўчанка.
Паводле папярэдніх звестак на 1 снежня 2025 года, золатавалютныя рэзервы Беларусі павялічыліся да $13,9 млрд і дасягнулі новага гістарычнага максімуму.
Старшыня праўлення Нацбанка адзначыў, што падтрыманне ўзроўню золатавалютных рэзерваў з’яўляецца адным з асноўных кірункаў работы. «Прадугледжваецца, што Міністэрства фінансаў зможа рэфінансаваць частку валютнага доўгу. З іншага боку, Нацыянальны банк будзе набываць валюту на ўнутраным рынку пры ўмове, што эканоміка зможа згенерыраваць дастатковы ўзровень яе чыстага прытоку ў краіну», — дадаў ён.
