Золатавалютныя рэзервы Беларусі на 1 мая, паводле папярэдніх звестак, склалі $10,942 млрд у эквіваленце. Адпаведныя звесткі апублікаваны на сайце Нацыянальнага банка, паведамляе БелТА.

За красавік 2025 года золатавалютныя рэзервы выраслі на $872,8 млн (на 8,7%) пасля росту ў сакавіку на $662,3 млн (на 7,04%).

Найбольшую долю ў структуры міжнародных рэзервовых актываў Беларусі займаюць актывы ў замежнай валюце і манетарнае золата. Па дадзеных Нацбанка, аб’ём замежнай валюты ў рэзервах на 1 мая гэтага года склаў $3,8203 млрд, павялічыўшыся за красавік на $513,1 млн (на 15,5%), аб’ём манетарнага золата — $5,719 млрд, павялічыўшыся на $326,3 (на 6%).

Згодна з мэтавым паказчыкам грашова-крэдытнай палітыкі, аб’ём міжнародных рэзервовых актываў Беларусі на канец 2025 года павінен скласці не менш як $7,1 млрд.