Ратавальнікам 27 верасня ў 10:35 з установы аховы здароўя паведамілі, што да іх паступіў 33-гадовы мужчына з атручэннем угарным газам. Высветлілася, што напярэдадні ён тапіў печ у вясковай хаце і заснуў. Раніцай да яго прыехаў сваяк і, не здолеўшы абудзіць мужчыну, выклікаў хуткую медыцынскую дапамогу.

Пацярпелага шпіталізавалі. Папярэдняя прычына здарэння — заўчаснае закрыццё засаўкі коміна. Падраздзяленні МНС не прыцягваліся.

Ратавальнікі нагадваюць, што атручэнне чадным газам з’яўляецца сур’ёзнай праблемай, якая можа ўзнікнуць у выніку няправільнай эксплуатацыі ацяпляльных сістэм. Неабходна выконваць правілы бяспекі, каб пазбегнуць падобных выпадкаў: не зачыняць засаўку печы, пакуль вуглі цалкам не прагараць, рэгулярна правяраць коміны, устанавіць дэтэктар чаднага газу.