Інцыдэнт, які мог скончыцца трагедыяй, адбыўся 28 чэрвеня каля 13.45. 

Па словах відавочцаў, дзяўчынка знаходзілася на пляжы з маці. Калі дзіця стала тануць, маці паспрабавала выратаваць самастойна, але апынулася сама ў небяспецы. Матрос-выратавальнік АСВОДа аператыўна зрэагаваў і дастаў дзяўчынку з вады. У выратаванні жанчыны дапамог адпачывальнік мужчына. 

Ні маці, ні дзіця ў медыцынскай дапамозе не мелі патрэбы.

«Гэты выпадак адбыўся на тым жа месцы, дзе 23 чэрвеня загінуў 14-гадовы падлетак», — дадалі ў АСВОД.