Сейсмападзея была зафіксавана ў 03.43 па часе UTC (06.43 па мінскім часе). Ачаг залягае на глыбіні 10 км. Звестак аб магчымых ахвярах і разбурэннях не паступала.

Паводле інфармацыі ТАСС, падземны штуршок магнітудай 5,5 быў зафіксаваны і каля ўзбярэжжа Камчаткі. Сейсмападзея адбылася за 499 км ад Петрапаўлаўска-Камчацкага. Эпіцэнтр знаходзіўся на глыбіні 37,9 км.

Спецыялісты зарэгістравалі землетрасенне магнітудай 5,3 таксама каля Курыльскіх астравоў. Штуршкі зафіксавалі ў 10.36 па сахалінскім часе (2.36 па мінскім) за 202 км на поўдзень ад Паўночна-Курыльска на глыбіні 50 км пад марскім дном. Пры гэтым падземныя штуршкі маглі адчуць у Паўночна-Курыльску сілай да 2-3 балаў.

Каля ўсходняга ўзбярэжжа Фіджы зафіксавана землетрасенне магнітудай 5,0. Эпіцэнтр падземных штуршкоў размяшчаўся ў акіяне, за 100 км на ўсход ад берагоў вострава Вануа-Леву, які належыць Фіджы, дзе пражываюць звыш 130 тыс. чалавек. Ачаг залягаў на глыбіні каля 530 км. Інфармацыі аб пацярпелых або разбурэннях не паступала. Пагроза цунамі не аб’яўлялася.