Землетрасенне адбылося ў турэцкай правінцыі Кютахья на захадзе краіны. Ачаг залягаў на глыбіні 8,46 км.

Кіраўнік МУС Турцыі Алі Ерлікая паведаміў, што ўлады пачалі абследаваць гэтую тэрыторыю. «У Сімаве, правінцыя Кютахья, адбылося землетрасенне магнітудай 5,4. У сувязі з землетрасеннем, якое адчувалася і ў суседніх правінцыях, усе каманды AFAD і адпаведных устаноў прыступілі да абследавання тэрыторыі», — паведаміў ён у сацсетках.

Дзяржтэлеканал TRT Haber удакладніў, што падземныя штуршкі адчуваліся ў Стамбуле і Ізміры.