На групавым этапе венесуэльцы абыгралі бейсбалістаў з Нідэрландаў (6:2), Ізраіля (11:3) і Нікарагуа (4:0), а таксама ўступілі камандзе Дамініканскай Рэспублікі (5:7), выйшаўшы з пула з другога месца. На старце плэй-оф паўднёваамерыканцы абышлі лідараў сусветнага рэйтынгу і папярэдніх чэмпіёнаў японцаў (8:5), у паўфінале перамаглі італьянцаў (4:2), а ў фінале нанеслі паражэнне гаспадарам са зборнай ЗША — 3:2. Да гэтага лепшым вынікам Венесуэлы была бронза 2009 года.

Сусветная бейсбольная класіка — самае прэстыжнае спаборніцтва сярод нацыянальных каманд па бейсболе, якое праводзіцца з 2006 года. Трохразовым пераможцам турніру з’яўляецца зборная Японіі (2006, 2009, 2023), па разе трафей выйгравалі каманды Дамініканскай Рэспублікі (2013), ЗША (2017) і Венесуэлы. Удзел у турніры 2026 года прынялі 20 зборных — восем з Паўночнай Амерыкі, пяць з Еўропы, па тры з Азіі і Паўднёвай Амерыкі і адна з Акіяніі.