Зборная Узброеных Сіл Беларусі заваявала трэцяе агульнакаманднае месца на трэцім міжнародным турніры па спартыўнай барацьбе сярод ваенных на кубак міністра абароны Расійскай Федэрацыі. Пра гэта БелТА паведамілі ў прэс-службе Міністэрства абароны Беларусі.
На спаборніцтвах у расійскім Кызыле беларускія барцы змагаліся са спартсменамі з Расіі, Таджыкістана, Манголіі, Карэйскай Народна-Дэмакратычнай Рэспублікі, Ірана і Туніса.
Акрамя трэцяга агульнакаманднага месца, у асабістым заліку ў вольнай барацьбе трэцяе месца ў вагавой катэгорыі да 97 кг заняў Яраслаў Іадкоўскі, а ў вагавой катэгорыі да 130 кг трэцім стаў Віталь Пясняк. Акрамя таго, у грэка-рымскай барацьбе другое месца ў вагавой катэгорыі да 130 кг заняў Дзмітрый Зарубскі, трэцяе месца ў вагавой катэгорыі да 77 кг у Андрэя Самца, а ў вагавой катэгорыі да 87 кг трэцяе месца заваяваў Іван Бяляеў.
