Усяго беларускія спартсмены заваявалі 36 залатых, 12 сярэбраных і 7 бронзавых медалёў, а таксама ўстанавілі 2 сусветныя рэкорды.

У спаборніцтвах прынялі ўдзел каля 150 удзельнікаў з 15 краін. Ад Нацыянальнай зборнай каманды ДТСААФ Беларусі па радыёспорце выступілі 15 спартсменаў.

Нацыянальная зборная вяртаецца ў Мінск 13 кастрычніка. Урачыстая сустрэча і ўшанаванне спартсменаў адбудуцца ў Нацыянальным аэрапорце Мінск.

Скорасная радыётэлеграфія — тэхнічны від спорту, які патрабуе ад спартсменаў найвышэйшай канцэнтрацыі, імгненнай рэакцыі і віртуознага валодання тэлеграфным ключом. Спаборніцтвы ўключаюць прыём і перадачу літарных, лічбавых і змешаных радыёграм, а таксама камп’ютарныя практыкаванні RUFZ і Morse Runner, якія імітуюць работу ў эфірных умовах.

Беларуская каманда з’яўляецца прызнаным лідарам сусветнага радыёспорту: пачынаючы з 2001 года нашы суайчыннікі нязменна займаюць першае месца ў агульнакамандным заліку на чэмпіянатах свету. На папярэднім чэмпіянаце свету ў 2025 годзе ў Чарнагорыі зборная Беларусі заваявала 55 медалёў, 35 з якіх — вышэйшай пробы, і ўстанавіла два сусветныя рэкорды. У складзе бягучай каманды — вопытныя чэмпіёны і выхаванцы спецыялізаванай дзіцяча-юнацкай спартыўна-тэхнічнай школы па радыёспорце ДТСААФ, для якіх гэты чэмпіянат стане чарговай магчымасцю пацвердзіць найвышэйшы ўзровень беларускай школы скораснай тэлеграфіі.