У верасні Нацбанк аб'явіў конкурс на новы графічны знак беларускага рубля. Мэта конкурсу — стварыць арыгінальны і вядомы сімвал афіцыйнай грашовай адзінкі Беларусі. Усяго на конкурс паступіла амаль 2,7 тыс. работ.

Конкурсная камісія вызначыла пяць найлепшых работ, якія размясцілі на сайце Нацбанка для галасавання. На падставе ацэнак Камісіі і вынікаў анлайн-галасавання будзе выбраны новы графічны знак беларускага рубля. На дадзены момант прагаласавала амаль 22 тыс. чалавек. 

За перамогу ў конкурсе прадугледжана ўзнагарода ў памеры Br3 тыс. Удзел у конкурсе маглі прыняць грамадзяне Беларусі, замежныя грамадзяне і асобы без грамадзянства, якія пастаянна пражываюць у краіне. Кожны ўдзельнік — як індывідуальна, так і ў складзе калектыву аўтараў — можа прадставіць на конкурс некалькі работ.

Азнаёміцца з работамі-фіналістамі і аддаць свой голас за ўпадабаную можна на сайце Нацбанка. Вынікі конкурсу будуць аб'яўлены не пазней за 31 снежня 2025 года.