Законапраект распрацаваны ў мэтах удасканалення законаў «Аб ветэрынарнай дзейнасці» і «Аб ліцэнзаванні» з улікам практыкі іх прымянення, прывядзення ў адпаведнасць з міжнароднымі прававымі актамі, якія складаюць права Еўразійскага эканамічнага саюза.

Праектам закона, у прыватнасці, прадугледжваюцца змяненні ў тэрміналогіі закона «Аб ветэрынарнай дзейнасці», пашырэнне паўнамоцтваў Міністэрства сельскай гаспадаркі і харчавання ў галіне ветэрынарнай дзейнасці. Удакладняюцца патрабаванні да абарачэння ветэрынарных прэпаратаў, кармавых дабавак.

Ветэрынарную дзейнасць па прафілактыцы, дыягностыцы хвароб жывёл і іх лячэнні, за выключэннем прафілактыкі, дыягностыкі хвароб і лячэння сельскагаспадарчых жывёл пры вытворчасці прадуктаў жывёльнага паходжання ў рамках вытворчага цыкла, прапанавана аднесці да відаў дзейнасці, якія ліцэнзуюцца.

У новай рэдакцыі выкладаецца глава 11 закона «Аб ліцэнзаванні», якая рэгулюе ліцэнзаванне ветэрынарнай дзейнасці.

Галаўной камісіяй па законапраекце вызначана Пастаянная камісія Палаты прадстаўнікоў па аграрнай палітыцы.