«Авіяцыйныя ўлады Катара, Бахрэйна і Кувейта працягнулі рэжым закрыцця паветранай прасторы, арыенціровачна, да 16.00 паводле сусветнага часу (19.00 паводле мінскага часу)», — сказаў суразмоўца агенцтва ТАСС, нагадаўшы, што неба над гэтымі краінамі закрытае з першай паловы дня 28 лютага. Раней планавалася, што палёты ў паветранай прасторы краін могуць аднавіцца сёння ў 07.00 па мінскім часе.

Крыніца ТАСС са спасылкай на дыспетчарскую службу раёна палётнай інфармацыі «Дамаск», якая адказвае за авіятрафік над Сірыяй, таксама паведаміла, што рэспубліка часткова адкрыла неба для палётаў з аэрапорта Алепа, астатняя ж паветраная прастора краіны закрытая да 7 сакавіка. Да гэтай жа даты закрыты аэрапорт Дамаска. У цяперашні час таксама закрытая паветраная прастора Ірана і Ірака, часткова закрыта неба над ААЭ, перыядычна спыняюцца палёты над Ізраілем.