Забабонныя чаканні дрэннага ў пятніцу 13-га павышаюць верагоднасць здарэнняў і павялічваюць стрэс, лічыць доктар псіхалагічных навук медыцынскага цэнтра ў Кліўлендзе Сюзан Альберс, паведамляе РІА «Новости».

На думку Альберс, людзі непакояцца наконт пятніцы 13-га з-за таго, што з няшчасцямі гэты дзень звязвае культура.

«Чаканне дрэннага дня, толькі таму што гэта пятніца 13-га, павышае верагоднасць яго надыходу», — канстатавала яна.

«Забабоны здольныя змяніць нашы думкі і паводзіны. Даследаванні паказалі, што ў пятніцу 13-га людзі схільныя пазбягаць паездак, заставацца дома і адкладаць важныя рашэнні», — паведаміла Альберс.

Каб не аказацца ў палоне страхаў, псіхолаг раіць прытрымлівацца звычайнага распарадку.

«Забабоны мацней уплываюць на наш стан, калі мы адчуваем стрэс. Простыя рэчы, такія як правільнае харчаванне, паўнавартасны сон, фізічная актыўнасць і прагулкі на свежым паветры, могуць дапамагчы супакоіць нервовую сістэму і палепшыць самаадчуванне ў тыя дні, калі ваш мозг падае сігнал трывогі», — адзначыла спецыяліст.

Боязь ліку 13 вядомы феномен і нават мае навуковую назву — «трыскайдэкафобія». У ЗША гэта трывога настолькі распаўсюджаная, што ў шматкватэрных дамах за 12 паверхам ідзе адразу 14.