Аператыўнікі 9-га ўпраўлення (па Гродзенскай вобласці) ГУБАЗіК Міністэрства ўнутраных спраў пры сілавой падтрымцы байцоў СПБТ «Алмаз» з доказамі злачынства пры атрыманні хабару затрымалі намесніка дырэктара аднаго з прадпрыемстваў хімічнай галіны ў абласным цэнтры.
Па словах начальніка 9-га ўпраўлення (па Гродзенскай вобласці) ГУБАЗіК МУС Андрэя Ярошыка, мужчына прыняў ад кіраўніка камерцыйнай структуры «падзякі» на агульную суму не менш як 75 тысяч рублёў. Грошы перадаваліся за арганізацыю адгрузкі вырабленай заводам прадукцыі.
З мэтай утойвання сваёй злачыннай дзейнасці фігурант карыстаўся некалькімі тэлефонамі, пераважна старых мадэляў, прызначаў сустрэчы ў розных рэгіёнах краіны, аднак меры канспірацыі яму не дапамаглі.
Следчымі ўзбуджана крымінальная справа за атрыманне хабару. Затрыманаму пагражае да 15 гадоў пазбаўлення волі, ён змешчаны ў ІЧУ.
МУС працягвае мэтанакіраваную працу па выяўленні фактаў сістэмнай дзелавой карупцыі.
