З пачатку года ў лясным фондзе Мінлясгаса ўжо зарэгістравана 20 выпадкаў узгаранняў — агульная плошча ачагоў склала 8,9 га. Аб гэтым паведамляе БелТА.
У многіх лясгасах краіны ўжо афіцыйна аб’явілі аб адкрыцці пажаранебяспечнага сезона. Чакаецца, што да канца сакавіка гэта зробяць усе ўстановы галіны.
Паралельна ў лясгасах працягваюцца агляды гатоўнасці. Праводзіцца комплексная практычная праверка працаздольнасці і гатоўнасці да неадкладнага прымянення ўсёй супрацьпажарнай тэхнікі і спецыялізаванага абсталявання, зладжанасці дзеянняў членаў лесапажарных брыгад з кожнага лясніцтва.
У аглядах бяруць удзел спецыялісты Мінлясгаса і ДВЛГА.
