Для індывідуальных прадпрымальнікаў памер узносаў будзе залежаць ад фактычных даходаў.

Як падлічыць, колькі трэба выплачваць ІП, распавялі ў Мінпрацы і сацабароны.

Калі гадавы даход не перавышае 12 мінімальных заробкаў (на сёння гэта 8712 рублёў), то плаціць трэба 35 % ад фактычнага даходу.

Напрыклад, даход склаў 5500 рублёў (гэта менш за 8712 рублёў). Памер унёску (г. зн. 35 % ад гэтай сумы) — 1925 рублёў.

Калі гадавы даход перавышае 12 МЗП, то плаціце 35 % ад гэтай сумы.

Напрыклад, даход склаў 9500 рублёў (вышэй 8712 рублёў). Узносы выплачваюцца з сумы 8712 рублёў. Гэта значыць, 35 % будзе раўняцца 3049,20 рубля.

У Мінпрацы звярнулі ўвагу на важныя моманты.

Калі ІП пачаў працэс ліквідацыі пасля 18 жніўня або былі льготныя перыяды (такія як догляд дзіцяці, вучоба і г. д.), то ўнёскі лічацца прапарцыянальна, без уліку льготных перыядаў і перыядаў ліквідацыі. Базай будзе фактычны даход, але не большы за суму МЗП за кожны месяц (і дні), уключаныя ў разлік.

Калі ліквідацыя завершана да 18 жніўня 2025 года, то ўзносы лічацца строга прапарцыянальна перыядам ажыццяўлення дзейнасці да даты ліквідацыі,  г. зн. неабходна прадставіць ПУ-3 з перыядамі сваёй дзейнасці.

— Галоўны прынцып: вы плаціце 35 % альбо ад свайго даходу (калі ён нізкі), альбо ад 12 МЗП (калі даход высокі), — патлумачылі ў Мінпрацы. — Пры няпоўным годзе або льготах параўноўваеце даход з сумай МЗП за час працы і плаціце 35 % ад фактычнага даходу, але не больш за суму МЗП.

Фота БелТА