Арганізатары прэстыжнага навукова-практычнага форуму — Інстытут гісторыі Нацыянальнай акадэміі навук Беларусі, музей «Замкавы комплекс «Мір».

Гісторыкаў, краязнаўцаў, выкладчыкаў і студэнтаў універсітэтаў, усіх, хто цікавіцца гісторыяй замкаў нашай Айчыны, запрашаюць да абмеркавання наступных тэм: «Гісторыя Мірскага замка і рэгіёна»; «Гарадзішча, замак, фартэцыя, крэпасць: інжынерная навука і мастацтва ў розныя гістарычныя перыяды»; «Горад у віхуры войнаў і рэвалюцый»; «Храмавае абарончае дойлідства»; «Эвалюцыя тэхнічных уяўленняў будаўніцтва і абароны ў святле археалагічных, пісьмовых і выяўленчых крыніц»; «Людзі, зброя, умацаванні»; «Рэстаўрацыя і музеефікацыя гістарычных комплексаў, помнікаў і прадметаў». 

Арганізатары перакананы, што на канферэнцыі будзе агучана нямала цікавых знаходак і адкрыццяў, здзейсненых гісторыкамі краіны за апошні час. 

Мікола БЕРЛЕЖ