Воблачнае надвор’е, пераважна без ападкаў чакаецца ў Беларусі 9 лістапада. Аб гэтым паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У начны і ранішні час месцамі па краіне чакаецца туман. Прагназуецца пераважна без ападкаў. Толькі днём па поўдні чакаюцца невялікія дажджы. Вецер паўднёвы слабы.
Тэмпература паветра ноччу складзе ад нуля да плюс 6 градусаў, днём — 4-9 градусаў цяпла.
