«Тры самыя частыя сімптомы інсульту — гэта стан, калі ў чалавека перакрывіла рот, узнікла слабасць у руцэ або назе, парушылася маўленне. Нават паасобку гэтыя сімптомы могуць сведчыць пра тое, што ў чалавека развіўся інсульт. Калі яны ёсць усе разам, то верагоднасць інсульту значна вышэйшая», — сказаў Сяргей Марчанка

Паводле яго слоў, гэта не ўсе сімптомы інсульту, але гэтыя тры сустракаюцца часцей за ўсё, і менавіта на іх падставе ва ўсім свеце пабудавана сістэма выяўлення пацыентаў з інсультам — fast-тэст (Face Arm Speech Test).

«Звяртацца па дапамогу трэба адразу, нават калі сімптом прайшоў. Тады гэта будзе не інсульт, а яго грозны прадвеснік у выглядзе транзіторнай ішэмічнай атакі, калі кровазварот парушыўся і самастойна аднавіўся. Але такія пацыенты знаходзяцца ў вельмі сур’ёзнай групе рызыкі развіцця паўнавартаснага інсульту, і лепш звярнуцца да ўрача, пакуль ён бяда здарылася. У такой сітуацыі мы правядзём абследаванне і прапануем пацыенту метады прафілактыкі», — дадаў Сяргей Марчанка.