Як адзначыў Андрэй Бякета, у параўнанні з мінулым сезонам многія складнікі выраслі. Што да цеплазабеспячэння, то ў сістэме ЖКГ на балансе арганізацый камунальнай формы ўласнасці сёння налічваецца 3,6 тыс. кацельняў. «Па іх мы бачым рост затрат на паліва (драўняныя гранулы, дранка, газ). Расходы на абаграванне жылых памяшканняў павялічыліся прыкладна на 40 працэнтаў», — сказаў ён.

У частцы прыборкі вулічна-дарожнай сеткі, дваровых тэрыторый, то тут усё залежыць ад рэгіёнаў. У Брэсцкай вобласці, дзе ўзровень снежнага покрыва быў крыху ніжэйшы, расходы бюджэту выраслі ў 1,5 раза, а ў Мінскай і Віцебскай абласцях — больш як у два разы.

З-за халоднай зімы павышэнне тарыфаў ЖКП для насельніцтва перанесена з 1 студзеня на 1 сакавіка для зніжэння фінансавай нагрузкі.

Таксама Андрэй Бякета расказаў, што ў зімовы перыяд у параўнанні з аналагічным перыядам мінулага года ўзрасла колькасць зваротаў насельніцтва ў службу 115, на прамыя тэлефонныя лініі. Зафіксаваны рэзкі скачок па тэме прыборкі тэрыторый, вулічнай дарожнай сеткі. «Усе работы вяліся згодна з рэгламентамі. Спачатку расчышчаліся праезды, а затым ужо праводзілася больш глыбокая расчыстка ад снегу і наледзі», — расказаў Андрэй Бякета.

Ён падзякаваў насельніцтву за дапамогу ў расчыстцы снегу, разуменне, гаспадарскае стаўленне да жыллёвага фонду. У цэлым сістэма ЖКГ спрацавала нядрэнна, ЖКП аказваліся якасна, без парушэнняў норм. «Так, узнікалі аварыйныя сітуацыі, але іх было няшмат і іх лакалізоўвалі ва ўстаноўленыя тэрміны — насельніцтва не адчула нейкіх крытычных адхіленняў у аказанні ЖКП», — дадаў першы намеснік міністра.