Як падкрэсліла міністр, заработная плата работнікаў бюджэтнай сферы — безумоўны прыярытэт. «Прадугледжаны рост рэальна наяўных даходаў насельніцтва ў 121% у цэлым усіх. І мы будзем абапірацца на тыя падыходы, якія сфарміраваны ў бягучай пяцігодцы. А за мінулы перыяд заработная плата ва ўрачоў павялічылася ў 2 разы, настаўнікаў — у 2,4 раза. Сёння заработная плата настаўніка — больш як Br2,5 тыс., урача — Br3,7 тыс.», — зрабіла акцэнт Наталля Паўлючэнка. 

«Але мы разумеем, што ў бюджэтнай сферы працуюць розныя катэгорыі: работнікі як і высокааплатныя, так і нізкааплатныя. І тут яшчэ адзін інструмент — гэта мінімальная заработная плата. Таксама рашэнне прынята, і з 1 студзеня 2026 года памер мінімальнай заработнай платы ўжо (складзе. — Заўв. БелТА) Br858. Тэмп росту, калі мы бярэм да снежня 2025 года, — 14%», — адзначыла міністр. 

Наталля Паўлючэнка нагадала, што раней урадам прынята рашэнне аб павышэнні базавай стаўкі першага разраду. «З 1 студзеня 2026 года яна ўжо будзе складаць Br297 — павялічваецца на 8,8%. І той падыход, які мы прымалі ў бягучым перыядзе, акрамя базавай стаўкі яшчэ падтрымліваць праз стымулюючыя выплаты, таксама будзе захаваны. У цэлым заработная плата на наступны год работнікаў бюджэтнай сферы будзе запланавана з ростам на 14%», — агучыла арыенціры яна.

Гаворачы аб павышэнні пенсіённых выплат, міністр падкрэсліла: гэта работа планамерная. «Вядома, гэта вынік сур’ёзнай бюджэтнай палітыкі. Літаральна нядаўна кіраўнік дзяржавы падпісаў закон аб бюджэце Фонду (сацыяльнай абароны насельніцтва. — Заўв. БелТА) на 2026 год, дзе буйным артыкулам па сацыяльных выплатах з’яўляюцца пенсіённыя выплаты — Br31 млрд. Запланаваны рост больш як 14%, а сам памер пенсіі перавысіць Br1 тыс.», — адзначыла яна.