У міністэрстве патлумачылі, што для тых, хто толькі пачаў працоўную дзейнасць, для разліку бальнічнага бярэцца мінімальная заработная плата (МЗП) — цяпер гэта 858 рублёў. Бальнічны за поўны каляндарны месяц непрацаздольнасці разлічваецца як 100% ад МЗП.

Бальнічны ў памеры 80% сярэднядзённага заробку будзе аплачвацца пры стажы працы меншым за 10 гадоў і з моманту, калі памер дапамогі, разлічанай з сярэднядзённага заробку, стане вышэйшым за памер дапамогі, разлічанай з МЗП.

Пры разліку зыходзячы з мінімальнай заработнай платы яе памер (цяпер 858 рублёў) дзеліцца на колькасць дзён у месяцы непрацаздольнасці і памнажаецца на колькасць дзён хваробы. Пасля разліку бальнічнага з МЗП і з сярэднядзённага заробку (80%, паколькі стаж працы меншы за 10 гадоў) памеры параўноўваюцца, і найбольшая сума выплачваецца, але не вышэй за ўстаноўленыя заканадаўствам максімальныя межы.

А вось 100% сярэднядзённага заробку выплачваецца пры стажы працы 10 гадоў і больш (стаж лічыцца з 2003 года па квартал, які папярэднічае кварталу наступлення непрацаздольнасці). Таксама гэта магчыма ў выпадках, калі заканадаўства прадугледжвае выплату 100% незалежна ад стажу. Напрыклад, дапамога па цяжарнасці і родах, дапамога па доглядзе за дзіцем да 3 гадоў у выпадку хваробы маці, дапамога па доглядзе за хворым дзіцем да 14 гадоў (або дзіцем з інваліднасцю да 18 гадоў).