У ведамстве растлумачылі, што для атрымання дапамогі дастаткова звязацца са сваім тэрытарыяльным цэнтрам сацыяльнага абслугоўвання насельніцтва або патэлефанаваць на кароткі нумар 139 (для жыхароў Мінска). Пры звароце неабходна пакінуць заяўку. Спецыялісты цэнтра паведамяць, у які час будзе ажыццяўляцца падвоз, і запішуць заяўку.

У дзень кірмашу застанецца толькі знайсці валанцёра на тэрыторыі (часцей за ўсё гэта прадстаўнікі БРСМ у яркай форме). Ён дапаможа загрузіць пакупкі ў аўтамабіль і развезе іх па ўказаных адрасах. Уся дапамога прадастаўляецца абсалютна бясплатна: не прыйдзецца плаціць ні за дастаўку, ні за паслугі валанцёраў.

Першы сельскагаспадарчы кірмаш у сталіцы пройдзе 20 верасня. Кірмашы будуць арганізаваны ва ўсіх раёнах горада, а цэнтральная пляцоўка размесціцца каля «Чыжоўка-Арэны». Плануецца, што гандлёвыя пляцоўкі будуць працаваць кожныя выхадныя аж да 6-7 снежня, аднак усё будзе залежаць ад умоў надвор’я. Падрабязны пералік пляцовак з указаннем адрасоў можна знайсці на сайтах мясцовых органаў улады.