Як адзначыў Віктар Доўнар, назва акцыі дадзена не проста так. «Наш Прэзідэнт заўсёды гаворыць, што чужых дзяцей няма. Яны сапраўды ўсе нашы. У нас у краіне надаецца дастаткова шмат увагі пытанням аховы дзяцінства», — падкрэсліў начальнік галоўнага ўпраўлення. Акцыя зарадзілася ў сярэдзіне 1990-х гадоў. У той перыяд фарміраваліся галіновыя праграмы. Так, у красавіку 1995 года на ўзроўні ўказа Прэзідэнта была падпісана пяцігадовая праграма развіцця сістэмы адукацыі.

«Усе памятаюць, у якой сітуацыі ў пачатку 1990-х гадоў была наша краіна. Важна было адвесці яе ад прорвы. І нават у той час краіна знаходзіла магчымасць клапаціцца пра дзяцей. Каб маленькія жыхары маглі верыць у цуд, і з’явілася гэтая акцыя. Таму што сапраўды была патрэбная дапамога і падтрымка. Бо ў 1995 годзе было дастаткова шмат інтэрнатных устаноў, дзіцячае сіроцтва расло. І дзякуючы ў тым ліку гэтай акцыі ўдалося паўплываць на сітуацыю, з’явілася перспектыва скарачэння інтэрнатных устаноў», — падкрэсліў прадстаўнік Мінадукацыі.

Праз амаль 30 гадоў сітуацыя значна змянілася. Па дадзеных Міністэрства адукацыі, калі 10-11 гадоў таму ў краіне было 48 дзіцячых дамоў, то на сёння іх 10. «Колькасць дзяцей у іх мінімальная, таму што ў прыярытэце ў нас прыёмныя сем’і, дамы сямейнага тыпу», — пазначыў Віктар Доўнар.

Як адзначылі на праекце, маштабы акцыі пастаянна пашыраюцца. Акрамя дзяцей, якія засталіся без бацькоўскай увагі і клопату, «Нашы дзеці» нацэлены і на падтрымку высокаматываваных хлапчукоў і дзяўчынак, якія дасягаюць поспехаў на розных узроўнях і ў розных сферах.

Упершыню акцыя «Нашы дзеці» стартавала ў 1995 годзе, яна была арганізавана Міністэрствам адукацыі па ініцыятыве кіраўніка дзяржавы. Гэтым разам яна праходзіць па 15 студзеня.