У сувязі з магчымымі замаразкамі, якія чакаюцца ў найбліжэйшыя дні, а таксама магчымым выпадзеннем ападкаў у выглядзе ледзянога дажджу і ўтварэннем галалёдзіцы на дарогах сталічная Дзяржаўтаінспекцыя рэкамендуе ўсім удзельнікам дарожнага руху праяўляць максімальную асцярожнасць.

Падчас руху ў такіх умовах неабходна: 

• быць гранічна ўважлівымі; 
• выбіраць бяспечную хуткасць;
• захоўваць дыстанцыю паміж транспартам і неабходны бакавы інтэрвал;
• пазбягаць рэзкага тармажэння і манеўравання;
• праяўляць асцярожнасць пры праездзе пешаходных пераходаў, пуцеправодаў, мастоў і на закругленнях дарог.

Немалаважную ролю ў забеспячэнні бяспекі дарожнага руху адыгрывае правільная падрыхтоўка транспарту. Каб упэўнена сябе адчуваць падчас руху ў халодную пару года, рэкамендуецца: замяніць усе вадкасці на марозаўстойлівыя, абсталяваць колы зімнімі шынамі, адладзіць сістэму абагравання шкла, люстэркаў задняга і бакавога віду.

Чытайце таксама: ДАІ нагадала аб мерах бяспекі на дарогах у час туману