Газета са спасылкай на прадстаўнікоў ваеннага ведамства піша, што першыя чатыры дні аперацыі ў Іране абышліся бюджэту ЗША $11 млрд. Пры гэтым каля $5,7 млрд ад гэтай сумы прыпадае на прымяненне ракет-перахватчыкаў.

Заканадаўцы, а таксама прадстаўнікі амерыканскай абароннай прамысловасці чакаюць запыту ад Пентагона на дадатковае фінансаванне для папаўнення запасаў сістэм Patriot, Tomahawk і THAAD, якія актыўна выкарыстоўваюцца з пачатку амерыкана-ізраільскай аперацыі.

ЗША і Ізраіль пачалі ваенную аперацыю супраць Ірана 28 лютага. Пад удары трапілі буйнейшыя гарады ісламскай рэспублікі. Паведамляецца аб разбурэннях і гібелі людзей. У выніку атакі забіты вярхоўны лідар Ірана аятала Алі Хаменеі і шэраг ключавых фігур кіраўніцтва Ірана. Корпус вартавых ісламскай рэвалюцыі (КВІР) заявіў аб маштабнай аперацыі ў адказ, атакаваўшы аб’екты ў Ізраілі і ваенныя аб’екты ЗША на Блізкім Усходзе.