Надзвычайны і Паўнамоцны Пасол Рэспублікі Беларусь у Баліварыянскай Рэспубліцы Венесуэла Дзмітрый Дзеравінскі 4 лютага сустрэўся з намеснікам міністра замежных спраў Венесуэлы па пытаннях супрацоўніцтва з краінамі Еўропы і Паўночнай Амерыкі Андрэа Габрыэлай Караа Фарыя. Аб гэтым паведамляе БелТА.
У час сустрэчы быў пацверджаны нязменна высокі ўзровень беларуска-венесуэльскага міждзяржаўнага дыялогу. Бакі выказалі ўзаемную зацікаўленасць у далейшым паглыбленні супрацоўніцтва.
Акрамя таго, пасол Беларусі і намеснік міністра замежных спраў Венесуэлы абмеркавалі асноўныя пытанні беларуска-венесуэльскага парадку дня, уключаючы правядзенне сумесных мерапрыемстваў, у тым ліку па лініі знешнепалітычных ведамстваў дзвюх дзяржаў.
