Каменціруючы сітуацыю з наступствамі непагадзі ў Воранаўскім раёне, Канстанцін Бурак адзначыў: «Найбольшы ўрон нанесены сельскагаспадарчым культурам градам. Ураджай у некаторых месцах пабіла проста на корані. Я даўно такога не бачыў, каб ад кукурузы, рапсу практычна нічога не засталося. Тут нанесены ўрон прыватным будынкам».

«Знаходзячыся на сувязі пастаянна і з кіраўніком камісіі па НС, і з нашымі ратавальнікамі, хачу адзначыць, што дзейнічалі ўсе вельмі дакладна. Існуючыя алгарытмы на прадмет ліквідацыі катастроф і прыроднага, і тэхнагеннага характару дзейнічаюць добра. Была аказана неабходная дапамога людзям і працягвае аказвацца», — сказаў памочнік Прэзідэнта — інспектар па Гродзенскай вобласці.

Па словах Канстанціна Бурака, дакладная работа ўсіх службаў з пачатку прыроднай анамаліі дазволіла пазбегнуць чалавечых ахвяр: «Гэта самае галоўнае. У нас няма людскіх страт. Як бы ні сумна было па ўраджаі гараваць, але ўраджай вырасце яшчэ. А чалавечае жыццё — самае дарагое».

Ён таксама вярнуўся да тэмы ўраджаю. «Успомнім словы нашага Прэзідэнта, якія былі сказаныя на селектарнай нарадзе, — важна ўраджай не проста вырасціць, не проста сабраць, а менавіта «выхапіць», каб ён не быў знішчаны такімі прыроднымі анамаліямі, якія мы ніяк не прадкажам і не прадбачым», — рэзюмаваў Канстанцін Бурак.