Пракуратура горада Мінска распачала крымінальную справу ў дачыненні да 24-гадовага жыхара сталіцы — яму інкрымінавана прычыненне маёмаснай шкоды ў значным памеры без прыкмет крадзяжу.

Згодна з матэрыяламі справы, малады чалавек у перыяд з 12 кастрычніка 2021 года па 19 кастрычніка 2022 года пры дапамозе іншых асоб прадаставіў супрацоўнікам адной з вышэйшых навучальных устаноў Мінска загадзя падробленыя дакументы аб сваім працаўладкаванні па размеркаванні па спецыяльнасці. Такім чынам ён хацеў стварыць умовы для вызвалення сябе ад кампенсацыі сродкаў у рэспубліканскі бюджэт, затрачаных дзяржавай на яго падрыхтоўку.

Выпускнік атрымаў для сябе маёмасную выгаду і прычыніў шкоду бюджэту ў суме больш за Br3,9 тыс. У пракуратуры адзначылі, што ўчыненае ім злачынства закранае істотныя інтарэсы дзяржавы і грамадства, паколькі яго дзеяннямі нанесена шкода дзяржаве.

Па выніках вывучэння матэрыялаў праверкі ў пракуратуры горада Мінска прынята рашэнне распачаць у дачыненні да маладога чалавека крымінальную справу па прыкметах саставу злачынства, прадугледжанага ч. 1 арт. 216 КК. 

Крымінальная справа накіраваная ва ўпраўленне Следчага камітэта Рэспублікі Беларусь па Мінску для арганізацыі папярэдняга расследавання.