Супрацоўнікі наркакантролю Савецкага РУУС затрымалі 45-гадовага мінчаніна, які ў кватэры арганізаваў памяшканне для вырошчвання нарказмяшчальных раслін.

«Па месцы жыхарства аператыўнікі выявілі і канфіскавалі больш за адзін кілаграм гатовай да ўжывання марыхуаны і прыстасаванні для яе спажывання, 8 гаршкоў з грунтам і раслінамі канопляў і прадметы для яе вырошчвання. Вядома, што затрыманы набыў насенне канопляў два гады таму ў суседняй дзяржаве і прарасціў іх у кватэры ў самаробным гроубоксе», — паведамілі ў міліцыі. 

Фігурант працуе выкладчыкам і пражывае сумесна з маці, якая не ведала пра захапленне сына. Раней у поле зроку праваахоўнікаў ён не трапляў. Узбуджана крымінальная справа.