Таццяна Харлап адзначыла, што задачы, пастаўленыя перад новым кіраўніцтвам, адпавядаюць статусу праекта — Кітайска-беларускі індустрыяльны парк «Вялікі камень» займае цэнтральнае месца ў беларуска-кітайскіх адносінах. «Таму попыт высокі, а задачы маштабныя. Парк развіваецца, і чым больш рэзідэнтаў, тым больш выклікаў», — сказала яна.

Цяпер у «Вялікім камені» налічваецца больш за 170 рэзідэнтаў. Ужо сёлета зарэгістравана некалькі новых кампаній. У гэтай пяцігодцы ў парку плануецца дасягнуць лічбы ў 270 рэзідэнтаў (плюс 100 да бягучага ліку). «Амбіцыйна, але не толькі па колькасці — важныя якасныя параметры: колькі праектаў рэалізавана, хто выйшаў на праектную магутнасць», — патлумачыла Таццяна Харлап.

Адміністрацыя парка ў першую чаргу абслугоўвае рэзідэнтаў — тых, хто ўжо працуе, і тых, хто прыходзіць. «Мы — масток паміж рэзідэнтамі і дзяржорганамі, якія прадастаўляюць адміністрацыйныя працэдуры і дзяржпаслугі. Наша функцыя — дапамагаць у больш хуткай рэалізацыі праектаў, каб эканоміка атрымала аддачу. Гэта тое, пра што казаў наш Прэзідэнт», — звярнула ўвагу кіраўнік адміністрацыі парка.

Пры гэтым Таццяна Харлап звярнула ўвагу, што канкурэнцыя за інвестараў сёння велізарная: шмат краін і пляцовак прапануюць умовы. «Мы маніторым інвестыцыйны клімат і ўносім прапановы ў Адміністрацыю Прэзідэнта і ўрад, каб ствараць камфорт для бізнесу», — сказала яна.

Папраўкі ва ўказ аб умовах працы парка павінны з’явіцца ўжо сёлета. Але тэрміны залежаць ад дэталёвай прапрацоўкі з зацікаўленымі бакамі, падкрэсліла кіраўнік.