На сённяшні дзень у горадзе працягваюцца работы па ліквідацыі наступстваў мінулага навальнічнага фронту. «У нас працуе 140 нашых брыгад — гэта камунальныя прадпрыемствы, прадпрыемствы горада і будаўнічыя арганізацыі. Брыгада — гэта чалавек з бензапілой і 2-3 рабочых, — расказаў ён. — Акрамя гэтага, у нас працуюць 47 прадстаўнікоў лясгасаў — гэта вальшчыкі лесу, вельмі прафесійныя работнікі. Яны ажыццяўляюць кражаванне дрэў і вываз. Задзейнічаная тэхніка».

Усе сілы задзейнічаны для ліквідацыі наступстваў. Па словах Сяргея Чарткова, цяпер адна з асноўных задач — забяспечыць падключэнне электрычнасці ва ўсе прыватныя домаўладання.

«Жыццядзейнасць горада забяспечана, працуе транспарт, усе медыцынскія ўстановы. У нас усё водазабеспячэнне і водаадвядзенне працуе. Вуліцы асноўныя, магістралі і праезды расчышчаныя. Зараз задачы ўжо — уборка, заходзім у двары і далей працягваем наводзіць парадак», — сказаў ён.

Як адзначыў Сяргей Чарткоў, нягледзячы на тое, што заўтра — рабочы дзень, у Магілёве будзе арганізаваны вялікі суботнік. Работы нямала, але калі ўсе разам, упэўнены кіраўнік, горад справіцца з наступствамі стыхіі. Парадак будуць наводзіць працоўныя калектывы ў сваіх прадпрыемстваў, на тэрыторыях бальніц і школ, у розных устаноў.