Па словах нутрыцыёлага Наталлі Зайцавай, перад сном важна не пераядаць, таму што гэта абцяжарвае работу страўнікава-кішэчнага тракта:

«Лепш за ўсё вячэраць за 2-3 гадзіны да сну, каб арганізм паспеў пераварыць ежу. Лепшы варыянт для вячэрняга прыёму ежы — гэта камбінацыя лёгкіх бялкоў і клятчаткі або некрухмалістая гародніна. Напрыклад, брокалі і курыная адбіўная. Для жанчын брокалі — вельмі карысная лёгкая гародніна. А курыца будзе добрым варыянтам лёгкага нятлустага мяса».

Акрамя гэтага, у рацыён можна ўключыць філе індычкі, рыбу, морапрадукты, яечныя бялкі і спаржавую фасолю.

«Бялок — гэта важны будаўнічы матэрыял для арганізма. Яго рэкамендуецца ўключаць не толькі на вячэру, але і ў кожны прыём ежы», — нагадвае эксперт.

Завяршыць вячэру можна лёгкім, заспакаяльным напоем.

«Прыкладна за гадзіну да сну можна выпіць травяны чай. Напрыклад, рамонак, мелісу або мяту. Яны супакойваюць нервовую сістэму і дапамагаюць хутка заснуць. Галоўнае — памятаць, што здаровая вячэра і якасны сон непарыўна звязаныя. Таму паспрабуйце загадзя прыгатаваць свой рацыён», — заключае яна.