Беларускія ВНУ падвялі вынікі прыёмнай кампаніі 2025 года, паведамляе БелТА.

У прыватнасці, у БДУ на дзённую бюджэтную форму залічана 2607 абітурыентаў, з якіх 69 ваеннага факультэта. Сярод залічаных па выніках ЦТ і ЦЭ 95 працэнтаў абітурыентаў набралі 300 балаў і вышэй. 110 першакурснікаў — пераможцы міжнародных і рэспубліканскіх алімпіяд, лаўрэаты спецфондаў.

Без экзаменаў на педагагічныя напрамкі залічаны 79 абітурыентаў. Сярэднюю школу з медалём або сярэднія спецыяльныя навучальныя ўстановы з дыпломам з адзнакай закончылі 922 чалавекі. Сярод залічаных 1164 выпускнікі ліцэяў і гімназій, гэта 44,6 працэнта.

Сярод творчых спецыяльнасцей самы высокі конкурс (сярод пададзеных заяў) на «графічны дызайн і мультымедыядызайн» — 14,9 чалавека на месца.

Самыя высокія прахадныя балы сярод прыродазнаўчых спецыяльнасцей былі на «прыкладную інфарматыку» — 391, «інфарматыку» — 387, «кібербяспеку» — 378, «прыкладную матэматыку» — 371. Рэкордныя прахадныя балы сярод сацыяльна-эканамічных і гуманітарных спецыяльнасцей адзначаны па «сусветнай эканоміцы» — 398, «міжнародным праве» — 398, «міжнароднай эканоміцы і гандлі (з паглыбленым вывучэннем кітайскай мовы)» — 397.

На завочную бюджэтную форму залічана 112 чалавек. Што датычыцца спецыяльнасцей са скарочаным тэрмінам навучання, то прахадныя балы там наступныя: «правазнаўства» — 204, «медыка-біялагічная справа» — 193, «кіраванне дакументамі» — 191. На спецыяльнасці біялагічнага факультэта завочнай бюджэтнай формы навучання прахадныя балы склалі: на «біялогію» — 229, «мікрабіялогію» — 224, «біяхімію» — 224.

• У вядучым ВНУ краіны паведамілі таксама аб выніках залічэння на дзённую платную форму. У выніку будзе навучацца 1401 абітурыент, з іх 10 - на скарочаным тэрміне. Сярэдні конкурс па ўніверсітэце склаў 2,01 чалавека на месца.

Рэйтынг самых высокіх прахадных балаў на спецыяльнасці склаўся наступным чынам: «міжнародная эканоміка і гандаль (з паглыбленым вывучэннем кітайскай мовы)» — 371, «прыкладная інфарматыка» — 359, «інфарматыка» — 358, «прыкладная матэматыка» — 358, «міжнародныя адносіны» — 358.

• На завочную платную форму залічана 142 абітурыенты, з іх 107 - на скарочаны тэрмін.

У Беларускім дзяржаўным педагагічным універсітэце імя М.Танка раней падвялі вынікі залічэння на бюджэт. Цяпер ВНУ, спасылаючыся на даныя прарэктара па вучэбнай рабоце БДПУ Аляксандра Макоўчыка, прывёў вынікі залічэння на дзённую і завочную форму атрымання адукацыі на платнай аснове. Так, залічана 672 чалавекі, з іх 340 — на дзённую платную форму атрымання адукацыі па 14 спецыяльнасцях, 241 — на завочную поўную форму па 9 спецыяльнасцях, 91 — на завочную скарочаную форму па 3 спецыяльнасцях.

• У ВНУ звярнулі ўвагу, што ў гэтую прыёмную кампанію вырасла колькасць высокаматываваных і добра падрыхтаваных абітурыентаў. Сярод залічаных у гэты этап прыёмнай кампаніі пяць чалавек з’яўляюцца залатымі медалістамі, 21 мае дыплом з адзнакай. Пры гэтым за ўвесь перыяд прыёмнай кампаніі 2025 года залічана 59 уладальнікаў залатых медалёў і 82 уладальнікі дыпломаў з адзнакай. Першы спартыўны разрад маюць 18 чалавек, 16 кандыдатаў у майстры спорту, 7 майстроў спорту, з іх адзін майстар спорту міжнароднага класа. За ўсю прыёмную кампанію гэтага года залічана 16 майстроў спорту, 25 КМС, 27 чалавек з першым спартыўным разрадам.

У цэлым амаль палова залічаных на дзённую платную форму навучання - абітурыенты з баламі вышэйшымі за 300. У перыяд прыёмнай кампаніі гэтага года на дзённую форму (бюджэт і платнае) залічана 405 чалавек з баламі вышэйшымі за 300 (41,4 працэнта з 978 залічаных).

На платныя месцы таксама быў высокі конкурс. Пры плане набору 680 чалавек конкурс склаў 1,7 чалавека на месца, пры гэтым было пададзена больш за 1 тыс. заяў.

Найбольшы конкурс, у прыватнасці, на дзённую платную форму атрымання адукацыі склаўся на спецыяльнасцях «дашкольная адукацыя» — 5,8 чалавека на месца, «сацыяльна-педагагічная і псіхалагічная адукацыя» — 3,5 чалавека на месца, «пачатковая адукацыя» — 2,8 чалавека на месца, «сацыяльная праца і кансультаванне» — 2,6 чалавека на месца, «гістарычная адукацыя» — 2,4 чалавека на месца, «мастацкая адукацыя» — 2,4 чалавека на месца.

На дзённай платнай форме атрымання адукацыі найбольш высокія прахадныя балы склаліся па такіх спецыяльнасцях, як «псіхалогія» — 314 (і гэта самы вялікі прахадны бал па ўніверсітэце), «мастацкая адукацыя» — 301, «сацыяльна-педагагічная і псіхалагічная адукацыя» — 299, «спецыяльная і інклюзіўная адукацыя» — 280, «гістарычная адукацыя» — 280, «пачатковая адукацыя» — 279, «прыродазнаўчая адукацыя (біялогія і хімія)» — 266, «дашкольная адукацыя» — 264. Што датычыцца спецыяльнасцей завочнай поўнай формы атрымання адукацыі, то найбольш высокія прахадныя балы адзначаны па «мастацкай адукацыі» і «мастацкай адукацыі» - 235.

Падводзячы вынікі набору на платную форму атрымання адукацыі, у БДУІР адзначылі павышэнне цікавасці ў абітурыентаў да спецыяльнасцей, звязаных з інфармацыйнай бяспекай. Традыцыйна высокім попытам карыстаюцца спецыяльнасці ў сферы інфармацыйных тэхналогій, праграміравання, праектавання інфармацыйных сістэм, электронных сістэм і тэхналогій.

Як адзначыў рэктар БДУІР Вадзім Богуш, поспех прыёмнай кампаніі - 2025 шмат у чым абумовіла выдатная работа электронных рэсурсаў універсітэта: чат-бот, інфармацыйныя каналы ў сацыяльных сетках, электронная чарга і спецыялізаваны сайт для абітурыентаў. Дзякуючы гэтым новаўвядзенням удалося дасягнуць поўнай інфармаванасці абітурыентаў аб ходзе прыёмнай кампаніі, а таксама максімальнай адкрытасці працэсу залічэння першакурснікаў. Таксама рэктар падкрэсліў, што сёлета Беларускі дзяржаўны ўніверсітэт інфарматыкі і радыёэлектронікі дасягнуў запланаваных бюджэтных лічбаў і лічбаў на ўмовах аплаты.

На дзённую платную форму навучання было пададзена 1087 заяў. Рашэннем прыёмнай камісіі да залічэння на першы курс рэкамендаваны 907 абітурыентаў.

• Самы высокі прахадны бал сёлета на спецыяльнасць «праграмная інжынерыя» факультэта камп’ютарных сістэм і сетак — 363 балы. Другое месца «штучны інтэлект» факультэта інфармацыйных тэхналогій і кіравання — 347 балаў. Замыкае тройку «праграмная інжынерыя» факультэта камп’ютарнага праектавання — 345 балаў.

На завочную скарочаную форму атрымання адукацыі на ўмовах аплаты сёлета да залічэння рэкамендаваны больш за 500 выпускнікоў каледжаў. Па выніках прыёму дакументаў на ўсе формы навучання ў гэтым годзе было сабрана 3,8 тыс. заяў, што прыкладна на 500 чалавек больш, чым у 2024 годзе. Гэтым летам у БДУІР падалі свае дакументы 4 абітурыенты, якія набралі 400 балаў на іспытах.

Сярэдні бал залічаных абітурыентаў па дзённай форме атрымання адукацыі склаў за кошт сродкаў бюджэту — 350 балаў, на ўмовах аплаты — 303 балы. З балам 300 і вышэй дакументы падалі 1919 чалавек.