Па даных следства, 47-гадовая віцябчанка дапамагала маці на рынку. Таксама яна набывала тавары ў іншых прадаўцоў, стварала станоўчую рэпутацыю і выбудоўвала сяброўскія адносіны з імі. Заваяваўшы давер, жанчына стала браць грошы ў доўг пад рознымі падставамі — на развіццё бізнесу і дзейнасці, звязанай з абменна-валютнымі аперацыямі, куплю будматэрыялаў для дома, выгаднага інвеставання. Больш чым за год ад васьмі пацярпелых яна атрымала звыш 205 тыс. рублёў і, як аказалася, не збіралася вяртаць гэтыя сродкі. Восенню мінулага года яна перастала з’яўляцца на рынку і выходзіць за сувязь. Ашуканыя грамадзяне звярнуліся ў міліцыю.

«Па выніках расследавання віцябчанцы прад’яўлена абвінавачванне па ч. 4 арт. 209 (махлярства, учыненае ў асабліва буйным памеры) КК. Да яе прыменена мера стрымання ў выглядзе падпіскі аб нявыездзе і належных паводзінах. Расследаванне крымінальнай справы завершана, матэрыялы перададзеныя пракурору для накіравання ў суд. Па факце дзейнасці, звязанай з абменна-валютнымі аперацыямі, з крымінальнай справы вылучаныя матэрыялы, якія накіраваны ў падатковыя органы для праверкі», — растлумачыла афіцыйны прадстаўнік УСК па Віцебскай вобласці Аксана Лазько.