Вядома, што спачатку ён з’явіцца ў Кафедральным саборы Святога Францішка Ксаверыя ў Гродне, а затым яго пачнуць размяркоўваць па ўсёй краіне.

Любы ахвотны можа прыйсці ў храм і ўзяць сабе часцінку агню, каб сустрэць Свята Раства ў духоўным адзінстве са Святой зямлёй.

Урачыстае ўнясенне агню ў сабор адбудзецца 18 снежня ў 17:00.

Віфлеемскі агонь пайшоў па свеце ў 1986 годзе па ініцыятыве аўстрыйскіх журналістаў, якія ўпершыню прывезлі лампаду, запаленую ў Віфлееме, каб падтрымаць хворых і адзінокіх людзей перад Раством.

Далей да акцыі далучыліся скаўты і пачалі развозіць агонь па краінах свету. Да Беларусі сімвал Раства ўпершыню дабраўся ў 1998 годзе.