Будапешт падаў у Суд Еўрасаюза іск супраць забароны супольнасці на пастаўкі энерганосьбітаў з Расіі. Пра гэта на сваёй старонцы ў сацсетцы Facebook паведаміў міністр замежных спраў і знешнеэканамічных сувязяў Венгрыі Петэр Сіярта, перадае БелТА.
Ён адзначыў, што пастанова Савета ЕС аб забароне на расійскі газ увайшла ў дзеянне, у сувязі з чым венгерскі ўрад адразу ж падаў іск з патрабаваннем яе скасавання. «Гэты іск павінен быць разгледжаны», — гаворыцца ў заяве венгерскага дыпламата.
Раней у гэты ж дзень Еўракамісія апублікавала ў афіцыйным часопісе Еўрасаюза пастанову Савета ЕС аб поўнай і неабмежаванай забароне на пастаўкі газу з РФ, якая прадугледжвае спыненне ўсіх паставак да канца 2027 года. Адзначалася, што пастанова афіцыйна ўступае ў сілу з дня апублікавання.
Раней Сіярта неаднаразова заяўляў, што забарона на закупку расійскай нафты і прыроднага газу супярэчыць інтарэсам Венгрыі. У сувязі з гэтым ён заяўляў пра намер урада Венгрыі падаць іск у Еўрапейскі суд, як толькі рашэнне будзе афіцыйна апублікавана.
26 студзеня Савет ЕС канчаткова зацвердзіў поўную забарону на пастаўкі расійскага газу ў Еўрасаюз з 2027 года. ЗПГ з Расіі будзе забаронена імпартаваць у ЕС з 1 студзеня 2027 года, трубаправодны газ — з 30 верасня 2027 года.
